Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Социјални станови добивале функционери, „цутеше“ бизнисот со домови за стари лица

0
By Нова ТВ on February 21, 2020 ВЕСТИ
СПОДЕЛИ
Facebook Twitter LinkedIn Email
Published: Friday, February 21, 2020 09:42

„Здравство и социјала како милостина“ е фељтон  на новинарката Менче Атанасова Точи кој НОВА, го објавува во продолженија, а е дел од публикација „Македонија од Букурешт до Преспа – Сведоштва на едно време: Македонија 2008-2018“ во издание на ФООМ. Тоа се сведоштва кои говорат за едно време-невреме кое во колективната меморија ќе остане запаметено како темно, кога Европа нѐ етикетираше како „заробена држава“ , a ќе го паметиме како „загубено време“

Пишува: Менче Атанасова Точи

Проект изградба на станови за луѓе со социјален ризик 

Проектот за изградба на станови за лица со социјален ризик и други ранливи групи започна во 2009 година и е делумно финансиран од Банката за развој при Советот на Европа. Со овој проект предвидена беше изградба на 32 објекти со вкупно 1.754 станови со вкупна површина од 72.643,70 м2. Иако проектот требаше да финишира до крајот на 2018 година, објектите во Струмица и Гостивар сè уште се во градба, а неизградени останаа и оние во Гевгелија, Пехчево, Виница, Куманово, Свети Николе, Пробиштип,
Неготино, Тетово, Дебар, Велес и на три локации во Скопје.

Ексминистерката за труд и социјална политика, Фросина Ременски, во 2016 година обелодени дека министерот за транспорт и врски и директорот на Јавното претпријатие за стопанисување со станбен и деловен простор (ЈПССДП) тогаш им делеле социјални станови на свои партиски другари од ВМРО-ДПМНЕ кои биле на државни функции. Некои од нив ги издавале под кирија, а други, пак, си ги користеле за „други намени“.

За скандалот да биде поголем, за да се додели некој стан требало да се добие мислење од Министерството за труд и социјална политика, по што тоа се испраќало до комисија која давала одобрение за предметот.

„Трагедијата да биде поголема, на адреса на државни социјални станови кои засега се без сопственик, владејачката партија запишала и фантомски гласачи. По смената на двајцата министри и тројцата дополнителни заменици министри од опозицијата, Комисијата за делење социјални станови од Министерството за транспорт и врски експресно им поделила социјални станови во зградите во Ресен на жители на реонот Мала Преспа. Во Прилеп, пак, им се делеле социјални станови на лица кои по ниту еден основ не ги исполнувале условите да конкурираат или, пак, да добијат ваков бесплатен стан“, рече тогаш Ременски.

Инаку, во Скопје дел од социјалните станови во населбата Ѓорче Петров и денес стојат празни, поради скандалот со становите кои беа доделувани на лица од тогашната владеачка партија кои не спаѓаат во оваа категорија, а социјално загрозени семејства немаат каде да живеат.

Бесплатно бањско лекување

Во 2010 година беше воведен проектот „Бањско лекување за пензионери“, како и бесплатното возење во градските автобуси како популистички, маркетиншки трик за да се придобијат пензионерите како гласачко тело.

Услугата „Бањско-климатска рекреација“ сè уште е на сила и може да се користи само еднаш во траење од седум дена. Предвидува шест полни пансиони, бањска терапија, задолжителен здравствен преглед и трошоци за превоз во висина на повратна автобуска карта по завршување на користење на услугата, а корисниците на пензија кои ја искористиле услугата во претходните три години немаат право да ја користат оваа услуга повторно.

Во 2010 година бањска рекреација побарале дури 25.940 пензионери, а ја добиле само 7.400 пензионери. Во 2018 година од 15.678 пензионери кои аплицирале, бањско лекување добиле само 4.240 пензионери.

И бањското лекување и бесплатните возења во градските автобуси беа популистички мерки на претходната власт, кои заедно со бесплатните одмори за ученици од семејства со социјален ризик во општеството треба да се разберат како нешто што им следува на луѓето со социјален ризик и со ниски пензии.

Згора на сè, Министерството за труд и социјала тоа го правело со заеми кои подоцна ги плаќаат истите тие граѓани.

Се стимулирала изградба на приватни домови за стари лица – државните пропаѓаа

Во државата има само пет државни установи за згрижување на стари лица, и тоа во Скопје, Куманово, Битола, Прилеп и Берово (со 29 легла). Во нив, согласно официјалните статистички податоци, во 2016 година услуги користеле 508 лица, а обезбедени биле
преку 143 вработени.

Официјалните статистички податоци покажуваат дека поголем број стари лица се вклучени во приватните установи отколку во јавните, каде што за да се ослободи место се чека и по неколку години.

Ова говори за недоволна јавна понуда за институционална поддршка во делот на обезбедување услуги за стари лица, што е огромен проблем.

Во изминатиот децениски период не се изгради ниту еден државен дом за стари лица, туку пропаѓаа и постојните. Наместо тоа, приоритет ѝ се даде на изградбата на приватни домови каде што цената за едномесечно сместување е 500 евра. Тоа за македонските пензионери е премногу и не можат да си го дозволат ниту тие со просечни пензии.

За разлика од приватните, државните домови за стари лица се многу поевтини, но пропаѓаат и оние малку што ги има, а нови не се градеа.

Отворањето на приватни домови во изминатите 10 години беше стимулирано од државата и стана многу профитабилен бизнис. Една од мерките за изградба на приватни домови беше продажбата на државно земјиште за 1 евро по метар квадратен, потоа намалувањето на висината на комуналните такси, поволните кредитни линии преку Македонска банка, како и други поволности за претприемништво. Кој добивал  вакви бенефиции и под кои критериуми никогаш не се истражи.

Одлуката за тоа кој ќе има можност да отвори дом за стари лица ја носела Владата, по претходна одлука на Министерството за труд и социјална политика.

Следува: Заклучоци-што остана по урнатините

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.