Советот на Европа минатата недела, во еден извештај, изрази загриженост за “се поголемите закани” врз правата на жените и ги повика земјите членки да ги зајакнат напорите за еднаквост помеѓу жените и мажите.
“И покрај направениот напредок, противењето на еднаквоста помеѓу половите и на правата на жените е во пораст помеѓу некои оние кои носат одлуки и парламентарците како и во некои сектори на граѓанското општество”, вели извештајот на Советот на Европа кој е насловен “Стратегија за еднаквост помеѓу жените и мажите” за 2014-2017 година.
Оваа паневропска организација ги повикува своите 47 земји членки помеѓу кои е Македонија, да вложат многу поголеми напори во оваа област.
Според извештајот, постојат многу предизвици како на пример “премногу честата употреба на стереотипи за половите за да се оправда и да се задржи доминацијата која мажите отсекогаш ја вршеле врз жените”. Споменат е и предизвикот за “постојано насилство против жените кое е нарушување на нивните фудаментални права” како и “секситичкото однесување кое ги спречува жените на напредуваат”.
Советот на Европа вели дека е потребно да се зајакне соработката и комуникацијата помеѓу земјите членки за да се обезбеди правото на жените, како човечки суштества, да бидат високо на списокот на политичките приоритети.
Земјите членки треба да имаат пет приоритети во борбата за правата на жените: борба против стеротипите, превенција и борба против насилството врз жените, треба да гарантираат еднаков пристап до правдата за жените и маќите, да обезбедат рамноправно учество на жените и мажите во јавниот живот и одлучувањето и во сите политики и мерки да ја интергираат еднаквоста помеѓу двата пола.
Извештајот подвлекува дека од последниот извештај е направен напредок како влегувањето во сила на Конвенцијата од Истамбул во 2014 година за превенцијата и борбата против насилството врз жените и домашното насилство.