Советници во Белата куќа најавија оставки по одлуката на Трамп за напуташе на Парискиот договор, јавуваат странските медиуми. Сопственикот на „Тесла“, милијардерот Илон Маск и директорот на „Волт Дизни“ Роберт Игер соопштиле дека ќе го напуштат советодавното тело на Белата куќа после одлуката на претседателот на САД Доналд Трамп да се повлече од Парискиот договор.

„Го напуштам претседателскиот совет. Климатската промена е вистинита. Напуштањето на договорот од Париз не е добро ни за Америка ни за светот“, порача Маск на Твитер.

Игер, извршниот директор на Дизни, напишал на Твитер дека “од принципиелни причини“ дава оставка од местото во советодавното тело на Белата куќа.

И извршниот директор на компанијата “Џенерал електрик“ Џеф Имелт, кој не е во круговите на советници на Белата куќа, ја осуди одлуката на Доналд Трамп.

„Разочаран сум од одлуката за Парискиот договор. Климатските промени се реални. Индустријата треба сега да ја преземе водечката улога и да не зависи од владата“ – се наведува во пораката на Имелт на Твитер.

Трамп вчера објави дека САД се повлекува од Парискиот договор за климата и веднаш да се прекине “комплетната примена“ на одредбите на Парискиот договор.