Денеска, оваа влада отвори работни места, тоа е точно, ама надвор од границите на Република Македонија. Благодарение на оваа влада, 230 илјади млади луѓе ја напуштија Македонија, за последните 6 години, изјави Оливер Спасовски, генералниот секретар на СДСМ на трибината во Гази Баба.
-Вкупно над 460 илјади граѓани заминале од Република Македонија според официјалните статистички податоци. Милуваа, овие од ВМРО да кажуваат дека луѓето на времето бегале од комунизмот.
Јас сега се прашувам од кој комунизам бегаат луѓето во овие 6 години? Ова е бетер од секое тоталитарно општество, што ни се случува на Република Македонија, во овој момент.
За подобрување на бизнис климата предвидуваме низа мерки, кои се однесуваат на даночни олеснувања, на поволности при вработувања на млади лица. Предвидуваме формирање на 16 бизнис инкубатори во Република Македонија кои ќе можат да работат на нови идеи, за отворање на нови мали и средни бизниси во државата.
Тие проекти ќе ги финансира владата на СДСМ, со по 10 илјади евра реални пари. Преку разни мерки, кои ќе бидат предвидени, за да можеме што е можно повеќе млади луѓе да ги вратиме во државата. Се предвидува, според анализите, во тие 16 бизнис инкубатори, по 5 илјади работни места да се отворат на годишно ниво, преку разни олеснувања на бизнис секторот. Само тоа е вистинскиот начин како Република Македонија може да се справи со невработеноста.
Само на тој начин ќе обезбедиме надеж и перспектива кај младите луѓе во државата. Само на тој начин можеме да ја вратиме вербата во Република Македонија и тука да можеме да ја градиме нашата иднина и среќа.
Тимот на Зоран Заев е тимот што ќе победи на наредните избори, без разлика кога ќе се одржат, и ќе изгради постабилна, попросперитетна и понапредна Република Македонија.
Упатувам порака, СДСМ широко ја отвора вратата за секој прогресивен граѓани на Република Македонија, да ни се приклучи. Ова не е битка на поединци, ова не е битка за кариери, ова не е битка за лични интереси. Ова е многу поголема битка за државата. Битка за иднината! Битка за задржување на младите луѓе во Република Македонија, изјави Спасовски на трибината во Гази Баба.