Активистите за човекови права бараат оставка од народниот правобранител, Иџет Мемети поради, како што велат, премолчувањето на инцидентите во Собранието, додека правобранителот тврди дека немал мандат да ги испитува одлуките на законодавниот дом. Тие во писмото прашуваат зошто не превземал ништо и на денот на најцрните случувања во историјата на земјата наместо да реагира, учествувал на седницата за негов реизбор како ништо да не се случило. Мемети за Нова изјавува дека тој не се чувстувал одговорен. Не било на него да одлучува кој ден ќе го бирале. Тврди дека реакција за новинарите имало, но за исфрлањето на пратениците не бил надлежен.
„Јас веќе постапив, тоа е одлука на претседателот за обезбедување на услови над која јас немам надлежност.
За полицијата зборуваме, не за одлуките на собранието?
„Полицијата постапила по одлука на претседател на Собрание и никаде во свет омбудсманите немаат надлежност над одлуките на претседателите на Собраниеот. Замислете почитувана госпоѓо новинарко, омбудсманот на Шведска каде што е родена оваа институција да отвори постапка за претседател на парламентот на Шведска.”, вели Мемети за Нова.
Уранија Пировска, извршен директор на канцеларијата на Хелсиншкиот комитет и еден од потписниците на писмото на активистите, вели дека и покрај тоа што Мемети не може да се брани дека испитувањето на работата на Собранието не е негова работа бидејќи ова е случај за испитување на постапките на полицијата.
„Тој ќе рече, знаете, јас не сум надлежен да посташувам кога станува збор за Собранието на РМ, меѓутоа да не заборавиме дека насилството таму го вршеа претставници на Министерството за внатрешни работи. Значи господинот Мемети директно има надлежност да испитува дали имало прекумерна употреба на сила”, вели Пировска.
Разочарувањето од постапките на правобранителот го дели и Џабир Дерала, уште еден од активистите потпишани на отвореното писмо до правобранителот.
Имајќи ја во предвид претходната работа на господинот Мемети која претставувалШЕ сериозен, храбар настап во одбрана на човековите права и граѓаните, сметам дека ова е сериозно отклонување од неговиот претходен курс и мислам дека треба час поскоро да го корегира тоа и мислам дека оставката ќе биде најзгодното нешто за да можеме некако да се обидеме да го помниме по доброто што го направил и да го простиме ова што го направи”, вели Дерала.
Снимените разговори со Иџет Мемети, Уранија Пировска и Џабир Дирала можете да ги погледнете во целост во видеото.