Србија се надева дека ЦЕФТА ќе го реши проблемот со увозот на пченицата од Македонија. Сеуште ги немаат воведено мерките на реципроцитет бидејќи се надеваат дека проблемот ќе се реши институционално.
Во одговорот од Министерството за земјоделство што го испратија до НОВА се вели Србија реагирала преку Министерството за трговија во ЦЕФТА и доколку овој правец на решавање на проблемот не даде резултат, ќе се разгледуваат понатамошните мерки на реципроцитет.
-Министерството сака проблемот да се реши институционално преку менаханизамот на ЦЕФТА. Важно е да се подвлече дека мерките кои ги воведе Македонија се од општ карактер и се однесува на сите земји потписнички на ЦЕФТА, а не само на Србија. Ова значи дека контра мерките што евентуално може да ги воведе Србија ќе се однесуваат на сите земји потписнички на ЦЕФТА, а не само на Македонија.
Од друга страна вчера медиумите во Србија објавија дека во текот на оваа недела Србија ќе воведе реципрочни мерки со кои ќе се ограничи увозот на земјоделски производи од Македонија.
Македонија го прекрши договорот и она што и го наложи комитетот на ЦЕФТА до 15 август да го укине ограничувањето на увоз на пченица од Србија изјави државиот секратар на Министерството за земјоделие на Србија, Данило Голубовиќ.
Тој порача дека Србија се обидела да се надмине спорот на институционален план но, дека постојат граници на толеранција до кои можат да се толерираат едностраните мерки на Македонија.
Во изјавата Голубовиќ не прецизира какви контрамерки ќе преземе Србија и најави дека тие ќе бидат познати деновиве.