Србија ќе ја тргне забраната за извоз на пченица.
Српската влада денес во 13 часот на седница ќе ја тргне забраната за извоз на пченица, пченка и масло со што ќе се реaлизираaт договорените транши кон Северна Македонија, рече министерот за земоделство, шумарство и водостопанство, Љупчо Николовски.
„Македонската влада порача 50.000 тони пченица, но до српската Стопанска комора стигнале побарувања од македонски фирми за 100.000 тони, така што во целост ќе биде исполнето ова побарување“, рече Николовски.
Николовски вели дека Бугарија сама се понудила да даде пченица за Македонија бидејќи тамошните власти ќе набавуваат поголеми контингенти на пченица.
Властите во земјава смируваат оти нема потреба од страв и паника.