Од синоќа Србија ги пропушта бегалците селектирано, само Сиријци, Авганистанци и Ирачани. Се враќаат сите оние кој немаат документи, односно не можат да го потврдат својот идентитет и од која држава доаѓаат. Другите бегалци се враќаат.
И на границата со Грција македонската гранична полиција врши селекција и ги пропушта само бегалците од овие три држави, а акономските мигранти ги враќа, потврдија од УНХЦР за НОВА. Околу 200 бегалци кои не биле пропуштени, ноќта ја поминале во бараките на кампот во Табановце. УНХЦР им доставува храна и ќебиња, но нивниот број постојано с е зголемува.
Екипа на оваа хуманитарна организација во моментот е на пат за Табановце за да ја скицираат состојбата на терен.
Министерот за социјални прашања на Србија Александар Вулин денеска изјави дека во Србија и Македонија можат да влезат само бегалци кои се загрозени со војна, а се враќаат економските мигранти. Причината е што Хрватска и Словенија одлучиле да ни примаат луѓето што бегаат од сиромаштија, од економски причини, а не од војна.
„Мораме да ја заштитиме својата земја и затоа применуваме реципрочни мерки за оние за кои во Хрвтска и Словенија нема место“, изјави Вулин пред новинарите.
Тој нагласи дека проблемот мора да се реши на глобално ниво на цела бегалска криза, и дека секоја земја треба да има ист заеднички став по ова прашање. Тој најави дека денеска во 16 часот ќе имаат видео конференција, а во Шид во моментот се наоѓаат околу 1000 бегалци.