Претставниците на Србите пред Меѓународниот суд на правдата во Ден Хаг почнаа да одговараат на тужбата на Хрватска за геноцид. Оценија дека жртви на геноцидот на Хрватска се Србите, ако доста Хрвати настрадале во војната 1991-1995.
Нема сомнеж дека настрадаа и Хрвати, но војната во Хрватска предизвика тешки страдања за Србите кои беа соочени со сепаратистичките идеи на тогашниот хрватски врв кој одлучи да создаде сопствен ентитет познат како Република Српска Краина, рече водителот на тимот на српскиот правен тим Саша Обрадовиќ.
Тој додаде дека хрватските застапници кои минатата недела ја докажуваа тужбата против Србија, не биле чесни затоа што не го спомнале страдањето на хрватските Срби. Секоја жртва заслужува почит и сеќавање, порача Обрадовиќ.
Според неговите зборови, војната во Хрватска во 90-тите не може да се сведе на едноставна слика која исклучиво ги покажува извршителите и жртвите на геноцидот. Тужбата на Хрватска на почетокот изгледа издржана, од историска страна е цинична, па и парадоксална, истакна Обрадовиќ алудирајќи на делот на изворната хрватска тужба каде за масовното иселување на Србите во 1995 за време на акцијата акцијата Олуја, за која се обвинува официјален Белград.
Минатата недела хрватскиот тим правници пред судот во Хаг ги изнесе аргументите во прилог на прогласување на Србија за одговорна за геноцид над хрватското население во Татковинска војна.
Од денеска претставниците на Србија одговараат на хрватската тужба составена на 500 страници, а содржи историски пресек на српско-хрватските односи со акцент на случувањата од Втората светска војна, односите со Независната Држава Хрватска, опишани на 200 страници.