Претставници на Средношколскиот пленум денеска по четврти пат ќе одат на средба во МОН. Состанокот со министерот за образование Абдулаким Адеми е закажан за во 15:30 часот а пленумци очекуваат доближување до некаков компромис со Министерството.
Присутни на денешната средба ќе бидат Народниот правобранител, претставник од Хелсиншкиот комитет и претставник на детската амбасада Меѓаши, откако средношколците вчера побараа мониторниг од нив, поради страв од можни манипшулации за време на средбата.
Во меѓувреме и претставници на Наставнички пленум се на средба со евроамбасадроот Аиво Орав, на кој ќе му ја образложат моменталната состојба во средното образование и игнорантскиот однос на надлежното министерство.
Репортерката на НОВА, Славица Филиповска е во моментов во Паркот на новинарите и вели се чувствува позитивна атмосфера, а се повеќе граѓани се потпишуваат на петицијата за поддршка на средношколците.
Пленумци на генерален пленум вечерва ќе одлучат какви активности ќе преземат за претстoјните денови.
Ова е четврти ден како средношколците спијат под отворено небо во паркот наспроти МОН.
Повеќе детали од средбите наскоро на НОВА.