Десет лица се убиени, а 10 други се повредени кога средношколец пукаше во средно училиште Санта Фе во Тексас.
Напаѓачот, кој беше уапсен и обвинет за убиство е идентификуван како Димитриос Пагуртис, 17-годишен ученик од средното училиште Санта Фе.
Тој ги користел пушката и револверот на неговиот татко, кој законски го поседувал оружјето.
Пагурцис играл за училишниот фудбалски тим, а бил члeн и на фолклорната група при локалната грчка православна црква.
Неколумина ученици за локалните медиуми изјавија дека пукотниците започнале откако во училиштето се вклучил алармот за пожар, но засега не е познато кој го активирал. Инцидентот се случил набрзо по почетокот на наставата во училиштето.
Повеќето од загинатите се ученици. Гувернерот на Тексас, Грег Абот, рече дека “биле пронајдени разни видови експлозивни направи” во училиштето.
Абот изјави дека полицијата го пронашла дневникот, компјутерот и мобилниот телефон на осомничениот кој планирал напад, а потоа сакал да се убие.
Гувернерот рече дека тинејџерот “се откажал” затоа што “немал храброст да изврши самоубиство”.