Масовен број на средношколци од различни училишта, во моментов пред Собранието го започнуваат Маршот против најновите реформи во средното образование, јавува репортерката на НОВА Славица Филиповска.
Иако вчера ресорното министерство одлучи математиката како предмет да не биде задолжителна за сите насоки освен за математичкиот, средношколците велат дека нивните барања не запираат тука.
Барањата на средношколците официјално поднесени до Министерството за образование преку Средношколскиот пленум, покрај укинување на математиката, содржи и барање да се врати стартиот концепт за полагање државна матура, односно да се отфрли електронското тестирање кое според средношколците е нефункционално.
Во моментов пред Собрание средношколците се маскирани во креативни маски, со транспаренти „Аргументите се на наша страна а не партиите“, „Ќе паднам матура заедно со системот“, „Стоп за лошите реформи“, „Лошите реформи не се маскираат“.
Оттука тие ќе се упатат кон МОН со цел, како што тие велат, да ги потсетат надлежните дека борбата продолжува и нема да ги залаже вчерашното предомислување на министерот Абдулаќим Адеми.
На протестот се присутни и средношколците ја имаат поддршката од Студентскиот пленум.
.jpg)