Учениците во завршните години од средното образование на годинешното полагање државна матура се оценети со просечна оценка од 3,42. Според Државниот испитен центар оваа оценка е повиока во однос на минатата учебна година кога средниот успех бил 3,37.
Според министерот за образование Пиштар Лутвиу, државна матура полагале вкупно 16.859 ученици, од кои 8.729 од гимназиско образование, 7.866 од средно стручно образование и 264 од средно уметничко образование.
„Прелиминарните резултати, кои се и конечни за оние кои нема да приговараат, ќе бидат објавени денес во 12:00 часот на огласните табли во училиштата и на интернет страницата matura.gov.mk. За учениците кои сметаат дека треба да достават приговор, истото можат да го направат преку училишната матурска комисија на 14 јули 2016 година, во периодот од 12 до 15 часот. Резултатите од приговорите ќе бидат објавени на 20 јули во училиштата“, рече Лутфиу.
Учениците кои ја пропуштиле јунската испитна сесија, следна можност за полагање државна матура имаат во август, а пријавувањето во училиштата трае од 13 до 21 јули.