Урната од темел зградата во центарот на Скопје на владејачката партија ВМРО-ДПМНЕ. Уривањето беше подготвувано изминативе неколку дена, кога од зградата се вадеа прозорците и вратите, и се сечеа дрвјата околу главниот штаб.
Во минатонеделното соопштение на ВМРО-ДПМНЕ стоеше:
„Тоа земјиште се гради во соинвеститерство, односно понудувачите понудија процент од бруто развиената површина кој ќе му го отстапат на сопственикот на градежното земјиште (во случајов ВМРО-ДПМНЕ), што воедно беше еден од основните критериуми за избор на најповолен понудувач, а кој процент не смее да биде под 30 отсто од бруто развиената површина. Што значи приватен инвеститор го гради земјиштето во сопственост на ВМРО-ДПМНЕ за свои комерцијални цели, а за возврат треба да отстапи најмалку 30 отсто од корисната изградена површина на ВМРО-ДПМНЕ. Во овој случај ВМРО-ДПМНЕ нема никакви трошоци за изградба на објектот.“
Согласност за реновирањето на зградата на партијата, прво паднало на седница на Извршниот комитет во јуни минатата година. Еден месец подоцна, предлогот бил прифатен и од Централниот комитет на ВМРО-ДПМНЕ.