Претседателот на Сојузот на синдикатите на Македонија (ССМ), Слободан Трендафилов, на прес конференција соопшти дека синдикатот нема да отстапи од барањата за зголемување на минималната плата на 600 евра и зголемување на сите останати плати за најмалку 6.000 денари, најавувајќи блокади и можен генерален штрајк.
Како што најави уште на денот на протестот, претседателот на ССМ соопти детали , цел регистар на евидентиорани притисоци врз работниците да не излегуваат на протести. Притоа, претседателот на ССМ ги спомна Македонски пошти, Тутунски комбинат Прилеп и дека ССМ има информации за други институции и фирми кои се обиделе да го минираат протестот и дека наскоро сите ќе бидат објавени.
Трендафилов се обрати и до јконкурентниот синдикат КСС (Конфедерација на слободни синдикати), потсетувајќи дека тие застанала на страната на функционерите, а не на страната на работниците.
Ако навистина платите се зголемени за 20 проценти, тогаш тоа нека им го кажат на работниците. Ако не, тогаш тие не се слободни, туку заробени синдикати, рече претседателот на Сопјузот на синдикатите на Македонија Слободан Трендафилов.
Ако пак во владата сметаат дека сиромашните работници му штетат на угледот на Владата, тогаш нека погледнат во очи на луѓето кои тешко преживуваат.
Трендафилов и денеска повтори дека наредната недела ќе започнат блокадите.