По празниците започнува електронското упатување на пациетите на специјалист. Хартиените упати веќе нема да се употребуваат. Матичните лекари ќе ги закажуваат прегледите на своите пациенти кај специјалист преку електронскиот систем. Во
Здружението на приватните лекари велат дека уште сега се соочуваат со проблем бидејќи голем дел од лекарите специјалисти немаат одредено термини.
– Иако постои телефонски контакт и администратор кој треба да ги координира работите сепак, проблемот е евидентен изјави за НОВА Лилјана Чолаова Дервишова претседател на
Здружението на приватните лекари. Таа вели дека со ваквиот начин на упатување ќе им се олесни на пациентите кои доаѓаат од другите градови во внатрешноста. За овие луѓе да не бидат излажани, да им се закаже термин, а кога ќе дојдат на преглед да неможат да го најдат лекарот, од Здружението апелираат до специјалистите да ги искреираат своите термини за прегледи еден месец порано и тоа да го објават во системот.
-За да можеме подобро да функционираме во здравствениот систем апелирам до лекарите специјалисти еден месец порано да објават кога одат на годишен одмор, кога имаат дежурства, или кога се во ординација и сето тоа да назначат електронски на нашата апликација изјави Чолакова Дервишова.
Во амбуланите во Скопје лекарите и медицинските сестри стравуваат од ваквиот начин на упатување на пациентите. Тие велат дека деновиве кога започнале да ги тестираат упатувањата се случувало системот да падне, по што се јавиле проблеми.
-На тројца пациенти успеав да им закажам термин, а другите останаа пред шалтер, чекаа и се нервираа, изјави медицинска сестра во една скопска поликлиника.