Од 1 јануари 2015 година сите компании во државава што ќе остварат добивка, а нема да ја реинвестираат ќе бидат оданочени со 10 отсто.
Според Министерот за финансии Зоран Ставревски ова не е ново оптоварување на фирмите бидејќи до 2009 година се плаќаше данокот на добивка.
„Тоа е регулатива која што беше во сила во време на криза и Македонија беше единствена земја што во тие пет години од 2009 до 2014 имаше таква поволна мерка за стопанството.
Разговаравме со бизнис заедницата и неодамна и порано, од нивна страна постои согласност дека се исцрпени можностите за пролонгирање на таа мерка и дека треба во Република Македонија да се оданочува добивката што нема да се реинвестира“, рече Зоран Ставревски, министер за финансии.