Нема пролонгирање на рокот на законот за хонорарци -министерот за финасии Зоран Ставрески не отстапува и законот ќе стапи на сила на 1 јануари.
Поддршка за законското решение со кое се воведуваат давачки за придонеси за хонорарите, авторските договори и договори на дело, дадоа и девет гранкови синдикати од Конфедерацијата на синдикати. Сметаат дека со законот ќе се реши статусот на работниците кои работат на црно.
Бизнисмените од Сојузот на стопански комори сметаат дека законот треба да се измени, односно да се плаќаат давачки не за висина на минимална, туку на просечна плата во земјава.
По одбивањето средба на ресорниот министер за труд и социјална политика Диме Спасов со независните синдикати заедно со дел од граѓанските организации најавија протест во понеделник.