Јане Јанев, пратеник во бугарското Собрание од Благоевград, ја обвини партијата на Турците во Бугарија, Движење за правата и слободите (ДПС), дека продолжува да зафаќа територии, како и дека ја продолжува најопасната тенденција на Балканот, во Источна Европа – да муслиманизира еднородни бугарски територии, а пренесе агенцијата „Крос“.
Како пример за ова тој ја користи Македонија.
– ДПС веќе загради нова територија. Во Софија има народни претставници во 23-иот, 24-иот и 25-иот изборен реон, во кои има повеќе мандати. Со тоа ДПС сака да ја македонизира Бугарија. Онака, како што во Македонија и особено во главниот град Скопје, има заградени територии – левиот брег на Вардар е целосно заграден. Во моментот, кога бугарскиот квартал, кварталот Чаир по левиот брег на Вардар, уште во текот на 1941-та година, беше преземен од радикални муслимански групи, притисокот се случи, но беше воочен доцна. Првин албански партии, една, две, три, а пoдоцна и албански јазик за втор официјален јазик.
Јанев смета дека целта на ДПС јасно е искажана од парламентарната говорница: неколку недели пред парламентарните избори, тие сакаа да можат да вршат агитација на мајчин јазик.
– Прикриената цел, неискажаната цел на ДПС, е уште на изборите за Европскиот парламент да воведат агитација на мајчиниот јазик, односно да може на турски да се агитира во Софија. Тоа им е целта. Во моентот кога ќе ја добијат и ќе ја остварат својата цел следната стапка е да го направат истото она што го направија во Скопје. Прекрстија училиште „Никола Јонков Вапцаров“ во „Јашар Бег“, прекрстија училиште „Јане Сандански“ во „Хасан Приштина“. Тоа е големата цел на ДПС, затоа толку време се говори за џамија во Софија, за муслимански центар во Софија, затоа ги презедоа тие дејства кои сега се факт. Доаѓа нова пропаст и потешки времиња за државата – смета тој. (Фотографија: Булфото)