Претставници на Студентскиот пленум во моментов го блокираат влезот на Рекоратот на УКИМ каде за денеска во 10 часот е најавена седница на која би требало да се бира нов ректор.
Студентите го блокираат влезот за сите вработени, бидејќи како што тврат ректорот ќе се бира со 10 гласови на десет студентски претставнци кои не се легитимни.
Тие велат дека мандатот на претставниците од Студентскиот Парламент е истечен одамна и е потребно прво да се изберат легитимни студентски претставници, а потоа да се бира и нов ректор.
Додека студентите го блокираат влезот ректорот Велимир Стојковски и дел од вработените чекаат пред Ректоратот, а студентите велат дека немаат намера да се откажат од бојкотот.
Претходно, Студентскиот пленум испрати отворено писмо до Универзитетскиот Сенат во коешто ги повика сенаторите да ги одложат изборите за ректор најмалку до септември или октомври, со цел до тогаш да се изберат легитимни студентски претставници.
Ситуацијата е мирна.
Новиот ректор ќе се бира меѓу универзитетските професори Ненад Новковски и Никола Јанкуловски кои беа избрани во потесен круг, од шестмина кандидати.