Студентскиот пленум – УКЛО, Битола, се оградува од написите и етикетирањата врз одредени групи од страна на некои медиуми кои, според нив, сензационалистички ја пренесоа веста дека некои “левичари“ и некои “неонацисти“ во Битола се зближиле поради целите на Автономната зона.
– Она што вчера се случи беше само цивилизирано спротиставување на ставовите во поглед на темата која беше предмет на разговор. Во име на зачувување на мирољубивото и цивилизирано дискутирање, ги молиме медиумите нашите изјави да не ги вадат од контекст а со тоа да не нанесуваат штета и недоверба помеѓу граѓаните на Битола, стои во демантот на Студентскиот пленум.
Студентите од таму велат, Автономната зона – УКЛО, ќе продолжи да покренува актуелни теми, и ќе ги поттикнува граѓаните да доаѓаат и дискутираат за заедно да ги решат проблемите кои го мачат градот, општеството и државата.
– На медиумите им порачуваме да дојдат и присуствуваат на дебатите организирани од Студентскиот пленум, а со тоа и интегрално и професионално да ги покриваат настаните и дебатите, стои понатаму во демантот.