Дваесетина демонстранти во обид да стигнат до споменикот на Цар Душан кој е поставен на мостот „Око“ се судрија со полицијата и Единиците за брзо распоредување, пренесува ИНА.
Полициското обезбедување веднаш им го ограничи движењето на демонстрантите и ги притисна пред влезот на Старата скопска чаршија, пишува „ИНА” и додава дека големо полициско обезбедување било распоредено на плоштадот „Филип Втори”, а дел од нив се упатија кон „Мавровка”.
Својот револт демонстрантите го изразиле половина час по што се повлекле. Полициското обезбедување сé уште останува распоредено пред мостот „Око”.
Безуспешни обиди за уривање на споменикот имаше и претходно, кога група демонстранти успеаја и да ја оштетат статуата. Низ Скопје можеа да се забележат постери со повици за протести, со крајна цел „соборување” на Цар Душан.
Пратениците од албанскиот политички блок на собранискиот Комитет за односи меѓу етничките заедници со обвинувања за тоа кој дозволил да биде поставен овој споменик . Пратеникот на ДПА ,Орхан Ибраими, обвини дека ДУИ дале дозвола за споменикот, иако додава, цар Душан бил деспот кој убивал Албанци.
Ибраими побара Комитетот да разговара за споменикот, за тепањето на албанските деца, и употребата на албанскиот јазик, и нагласи дека растат етничките тензии во земјава.
Пратеникот на ДПА, Беким Фазлиу ги обвини пратениците од ДУИ дека гласале во корист на пратеници од српската заедница.
Претседателката на Kомитетот, Ермира Мехмети од ДУИ, констатира дека не може да се расправа за барањата на ДПА бидејќи не доставиле материјал за тие теми. По ова, Kомитетот расправаше за точката на дневен ред – имплементација на правото на ефективна партиципација на заедниците во културниот живот.
Фото:ina-online.net