Околу 200 демонстранти се судрија со полицијата во американскиот град Фергусон, Мисури, по новите улични протести поради убиството на 18-годишно момче од страна на полицаец во градот пред една недела, пренесоа американските медиуми.
Во изминатата ноќ демонстрантите упаднаа во продавница, каде почнаа да пленат и уништуваат.Реакцијата беше одговор на полицијата која објави дека има докази дека непосредно пред да биде застрелан црнецот Мајкл Браун украл кутија со пури во вредност од околу 50 долари од продавницата и на излез се заканил на еден човек еден човек.
Демонстрантите почнаа да гаѓаат со камења и други предмети, полицијата одговори на сигналот за немири и еден полицаец е повреден. За да се намали напнатоста, полицајците се повлекле без да уапсат никого. Грабежите прдолжиле и во други продавници.
Роднините на Браун тврдат дека со објавувањето на компромитирачки информации за убиениот, полицијата се обидува да влијае на проценката на судот во случајот.
На вчерашната прес-конференција полицискиот шеф на Фергусон Томас Џексон соопшти дека на денот на фаталниот инцидент – 9 август – Мајкл Браун и неговиот пријател Доријан Џонсон извршиле кражба на пури од продавница во градот.
“Ју Ес Еј тудеј” пренесува дека секоја година околу 100 црнци во Фергусон, Мисури, се убиени од полицијата.
Според податоците на ФБИ, кои се обезбедени од локалните спроведувања на законот, при различни инциденти полицијата во Фергусон убива околу 400 жители, меѓу кои 96 црнци. Од нив, околу 18 проценти се на возраст под 21 години.
„Оваа статистика покажува дека убиството на младината на црнците минатата недела далеку е од осамен случај. Судејќи според овие податоци слични инциденти имаат масовен карактер”, забележува весникот.
Во Фергусон, кој е предградие на Сент Луис, во последните денови избувнаа немири поради убиството на 18-годишниот црнец Мајкл Браун од полицаец.
Според полицијата Браун нападнал полицаец во неговиот автомобил и се обидел да му го земе пиштолот. Според сведоците полицаецот пукал во Браун, иако тој кренал раце, за да покаже дека не е вооружен.
Фергусон има население од околу 21 000 лица, а 60 отсто од нив црнци.