Јужноафриканскиот атлетичар Оскар Писториус не може да биде осуден за убиство со предумисла на својата девојка Рива Стинкамп рече судијата во судскиот процес против него. Конечната пресуда не е донесена, а судењето ќе продолжи и утре.
Според Јужноафриканскиот закон, Писториус нема да биде прогласен за убиство. Доказите покажале дека Писториус навистина верувал дека неговата девојка била во спалната соба, а дека личноста што била во бањата бил натрапник, иако според судијката Токозиле Масипа ова е нерелевантно за случајот.
Оскар Писториус плачел додека судијката ја читала пресудата.
Судењето на Олимпиецот за убиство на својата девојка започна пред шест месеци. Пред судијката да ја донесе одлуката дека Писториус не го извршил убиството со предумисла, таа го прашала зошто тој пукал не само еднаш, туку четири пати кон бањата пред да ја побара девојка му. Според судијката, намерата да пука не значи дека постои и намера да убие.