Египетскиот суд ги забрани сите активности на Муслиманското братство и нареди сите имотни недвижнини на организацијата да бидат конфискувани. Организацијата најголемиот дел од своето над 80-годишно постоење го помина илегално.
Судот од Египет ја забрани организацијата и побара запленување на целиот имот, јавува агенцијата АП, додавајќи дека тоа е најновата мерка на владата и воените власти против организацијата на претседателот Мохамед Морси.
Египетската државна телевизија јави дека одлуката е донесена на денешна седница.
Муслиманското братство беше забрането 85 години, до соборувањето на Хосни Мубарак во 2011, кога забраната беше укината.
Оттогаш наваму, организацијата беше регистрирана како политичка партија, која победи на претседателксите избори, подржувајќи го Мохамед Морси.