Судскиот Совет е подложен на субјективна воља
Институот за општествени и хуманитарни науки спроведе истражување за квалитетот на механизмите на судскиот систем со посебен фокус на Судскиот Совет во рамките на проктот.
„ЗАЈАКНУВАЊЕ НА МЕХАНИЗМИТЕ НА НЕЗАВИСНОТО СУДСТВО ВО МАКЕДОНИЈА“
При испитувањето направена е анкета меѓу судиите . Ова е резимето од нивните забелешки:
-При изборот на судии не се почитува стручноста на кандидатите нивните квалификации и професионалност
– -Имплементацијата на процедурите во Судскиот совет не е доволно транспарентна со што Судскиот Совет прераснува во тело кое постапува како кривичен суд од повисока инстанца
во правосудниот систем и не придонесува кон зголемување на независноста и ефикасноста на судството преку соработка
– -Во утврдувањето на квалитетот на работата на судиите не се зема предвид целокупната работа на судиите туку само квантитативните податоци од датабазата
– -Дисциплинските мерки на Судскиот свет се дуплираат со дисциплинските повреди предвидени со закон
– -Во одлучувањето за извештаите за работата на судиите и изрекувањето дисциплински мерки треба да се имплементира начелото на двостепеност во одлучувањето
– -Вонредното оценување на судиите се заснова на квантитетот на нивната работа а не на квалитетеот
– -Постапката за утврдување на нестручно и несовесно вршење на судиската фукција да се води од сегашни активни судии од граѓанско и кривични право (мнозината се од кривично право)
– -Со претставките често се врши притисок врз судиите а од друга страна се појавуваат случаи на уцена на судиите со претставките од одредени граѓани
– -Судскиот совет во последните години е дистанциран и изолиран од судиите во судовите во Македонија
– -Критериумите според кои се врши оценувањето на судиите не се јасно дефинирани и треба да бидат утврдени со закон
Целта на оваа анализа и на препораките е да се иницира отворен процес на внатрешна ревизија и подобрување на процедурите во рамки на Судскиот совет, додека невладините и граѓански платформи, експертската заедница и медиумите ќе се заложат за поддршка на ваквите преземања од една страна и градење притисок за оневозможување на политички влијание во тој процес.