Во Сиера Леоне, каде болеста уби 900 лица, војската е ангажирана во борбата против болеста. Претседателот на оваа држава одлучи да испрати повеќе стотини војници во центрите за борба против болеста кои се наоѓаат главно на истокот на земјата. Основната улога на војската е да направат ред и да ги натераат болните лица да ги почитуваат мерките на карантинот. Овие центри се случува зболените да заминат дома пред да добијат лекарска дозвола за тоа.
Според последниот биланс на Светската здравствена организација (СЗО ) 887 лица починале од вкупно заразени 1603: 358 во Гвинеја, 255 во Либерија, 273 во Сиера Леоне и еден во Нигерија. СЗО вели дека ова е најопасната епидемија на ебола од откривањето на вирусот пред 38 години.
Како што беше јавено двајца Американци, еден лекар и еден мисионер, се заразиле од вирусот и биле пренесени во САД и примени во специјално опремена болница во Атланта. Овие двајца пациенти добиваат експериментален тертман кој досега не бил тестиран врз луѓе и кој, според Си Ен Ен има речиси чудотворно дејство врз симптомите на болеста.
Агенциите јавуваат дека случај на ебола е забележан во Саудиска Арабија врз човек кој се вратил од Сиера Леоне.
Шпанија најави дека испраќа воен авион за да се донесе во земјата еден мисионер кој ја добил болеста во Либерија. Британската авиокомпанија одлучи засега да ги укине летовите до Гвинеја и Либерија до 31 август а таква одлука донесе и компанијата Емиратс која не лета повеќе до овие земја од минатата недела. Се очекува дека и други компании ќе се одлучат за ваква мерка.