Европската унија најостро го осудува неприфатливиот ирански напад врз Израел“, изјави високиот претставник на ЕУ за надворешна политика и безбедност, Жозеп Борел.
Претседателката на Европската комисија Урсула фон дер Лајен исто така го осуди воздушниот напад на Иран врз Израел.
Во објава на мрежата Х утринава, Фон дер Лајен го повика официјален Техеран веднаш да ги прекине воздушните напади.
Силно го осудувам бесрамниот и неоправдан напад на Иран врз Израел и го повикувам официјален Техеран и неговите претставници веднаш да ги прекинат овие напади“, порача Фон дер Лајен.
Германија повика на итен прекин на нападот.
Најостро го осудуваме тековниот напад, кој може да го фрли целиот регион во хаос“, напиша министерката за надворешни работи Аналена Бербок во интернет објаца.објава.
И Британскиот премиер Риши Сунак го осуди „непромислениот“ напад на Иран врз Израел.
Овие удари се закануваат да ги разгорат тензиите и да го дестабилизираат регионот. Иран уште еднаш покажа дека има намера да направи хаос во својот двор“, вели Сунак. Велика Британија ќе продолжи да се залага за безбедноста на Израел и безбедноста на сите наши регионални партнери, вклучително и Јордан и Ирак“, додаде британскиот премиер.
Одлучувајќи се за ваков чин без преседан, Иран преминува нов праг во своите дестабилизирачки дејства и создава ризик од воена ескалација“, предупреди францускиот министер за надворешни работи Стефан Сежурне додавајќи дека Франција ја потврдува својата посветеност на безбедноста на Израел.
Кина ја изразува својата силна загриженост поради влошувањето на актуелната ситуација и ги повикува сите засегнати страни да покажат воздржаност и смиреност за да се избегне понатамошна ескалација на тензиите“, соопшти Министерството за надворешни работи во Пекинг.
Саудиското Министерство за надворешни работи ги повика сите страни во конфликтот на воздржаност.