Одборот за доделување на државната награда „Мето Јовановски“, денеска преку соопштение ја информира јавноста дека донесол одлука добитниците на највисокото признание за долгогодишни остварувања во областа на промоцијата, заштитата и унапредувањето на човековите права, да се Ѓорѓи Лазаревски и Звонко Костовски, свиркачите кои помогнаа да се обелодени аферата со илјадниците прислушувани во време на Владата предводена од Никола Груевски и ВМРО-ДПМНЕ.
Во одлуката на Одборот за доделување на наградата „Мето Јовановски“ чиј претседател е Уранија Пировска, стои:
Се доделува за остварувања во областа на промоцијата, заштитата и унапредувањето на човековите права;
Наградата им се доделува на: Ѓорѓи Лазаревски и Звонко Костовски.
Одлуката стапува на сила од денот на донесувањето и ќе биде објавена во Службен весник.
Наградата на Лазаревски и Костовски ќе им биде врачена на 10 декември 2021 година (петок) во 13 часот во Собранието на Република Северна Македонија.