Строги регулаторни мерки и стандарди за квалитет на водух, намалување на потрошувачката на енергија, особено на изворите на согорување, алтернативни извори на енергија во домаќинствата, менување на режимот на транспорт на возилата, како и други алтернативни начини на транспорт.
Ова се дел од мерките кои итно треба да се превземат за да се намали нивото на загадување на воздухот кои ги препорачува СЗО, во консулатација со Центарот за животна средина во Бон.
–
-Подрачјата кои не ги исполнуваат упатствата за квалитетот на воздухот, веднаш да превземат итна акција за да се постигне нормално ниво на вредностите во најкус можен рок. Истите вредности се однесуваат подеднакво за сите земји во светот, со цел да се заштити здравјето на луѓето потврдија за НОВА од канцеларијата на СЗО во РМ, во консултација со Центарот за животна средина на СЗО во Бон.
Од таму информираат дека препораките за заштита на јавното здравје се дадени во форма на препорачани нивоа на изложеност и привремени цели. За изложеност на PM2.5, вредностите во упатството се 10 μg/m3 (годишен просек) и 25 μg/m3 (средна вредност за 24 часа).
Вредностите кои се однесуваат на 24 часа се горни препорачани вредности на загадување над кои постојат опасности за зголемување на морбидитетот и морталитетот, односно пораст на заболувањата и смртноста кај населението. Се препорачува подрачјата кои не ги исполнуваат овие упатства веднаш да превземат итна акција за да се постигнат овие нивоа во најкус можен рок.
Под притисок на граѓаните и граѓанските активисти Владата дури попладнево, седум дена од енормното загадување на воздухот донесе сет на мерки. Со овие препораки лицата над 60 години од утре па до крајот на неделата се ослободени од работните обврски во државната и јавна администрација како и трудниците.
Медицинските установи ќе работат во полна мобилност и подготвеност, се воведува забрана за движење на товарни возила во централните подрачја од 19 до 7 часот наутро.
Градинките и училиштата да немаат часови на отворено, фирмите кои работат на отворено тоа да го прават во периодот од 11 до 17 часот, засилени еколошки контроли на фирмите. Овие краткорочни мерки , ќе важат само за Скопје, Кичево Битола и Тетово, каде што воздухот е најзагаден и тие ќе важат до сабота.