Во Културно-информативниот центар, вечерва ќе биде отворена изложбата на плакати „Grids are for pussies“ од уметникот Таби Азири.
Авторот на овој проект на специфичен начин се занимава со повеќе аспекти на релација општество-уметност, а неговите плакати го тангираат социјалното и политичкото опкружување и истите се изложувани на повеќе меѓународни фестивали.
На изложбата тој ќе изложи 26 плакати, дигитални принтови, создадени во 2011- 2013 година. Изложбата ќе биде отворена до 5 мај 2013 год.
На изложбата со свој сет ќе настапи диџејот Зоки Бејбе.
Таби Азири роден е 1989 година во Гостивар. Апсолвент е на студиите по графички дизајн на Факултетот за уметност при Државниот Универзитет во Тетово. Во 2012 година го дизајнираше плакатот за „Скопскиот џез фестивал “ и плакатот за филмот „Трето полувреме“.
Реализирал три самостојни изложби во Гостивар и повеќе групни изложби во Македонија, Албанија и во Украина.
Добитник е на три награди, меѓу кои и „Златна мравка“ за најуспешен албански визуелен уметник во 2012 година, Скопје.