Мики Трајковски-НОВА
И милион евра да ми дадат нема да се премислам и да отстапам од актуелниот носител на листата Зија Јонузи изјави синоќа од струшко Радолишта лидерот на ДПА, Мендух Тачи одговарајки му на струшкиот огранок на ДПА од каде веќе најавија дека ќе ги бојкотираат овие избори. Тие не се согласуваат со предложената листа за пратеници во петата изборна единица и носителот Јонузи од страна на централата на партијата во Тетово.
„ Ќе отстапев само доколку ми наведеа дека ги прекршил трите мои принципи: дека бил неморален, антинационалист, или продадена душа. Во рацете ги немам инструментите на власт но ја поседувам најсилната, а тоа е моралната власт. Таа не се купува, не се заканува и не се плаши. “ рече Тачи
ДПА веќе ги исклучи од партијата претседателот на струшкиот огранок на ДПА Лавдрим Елмази и градоначалникот на Струга Зијадин Села.
„ Браќа и сестри , јас сум лидер на опозиција, но не на самопрогласената туку номиниран од страна 90.000 гласови. Има бизнисмени во изборната едниница што би ми дале 500000 евра за да бидат на местото на Зија Јонузи или 200000 за да го бидат на местото на Нафи Доко. Зија нема толку пари не 500000 ниту 5 евра. Тоа е моралната политика на опозицијата што не дозволува да има купопродажба. Што се случува со ДПА во Стуга, зборува ДПА или зборува јазикот на насилството,заканите на власта . “ рече Тачи
Претставувањето на претседателскиот кандидат на ДПА, Илијаз Халими во Струшко помина без првите луѓе на огранокот во Струга и без довчерашниот соработник на Тачи, Села, што доволно зборува за состојбата во која се наоѓаат нивните односи.
„Со оглед на фактот дека заклучоците извлечени од состанокот на ДПА во Струга, одржан на 10.03.2014 година , не беа разгледани од страна на Централното собрание на Демократската партија на Албанците , односно по повлекувањето на сите кандидати за пратеници како и на законскиот рок за размислување , филијалата на Албанската Демократска партија во Струга, на барање на раководството на филијалата , претседателите , женскиот форум , Форум на млади и поширокото членство , беше донесена едногласна одлука Албанскиот огранок на Демократската партија во Струга, да ја замрзне својата активност за овие избори, до нивното завршување,“ информираа од ДПА Струга