ДПА синоќа ги презентираше кандидатите за пратеници во 6-та ИЕ во тетовско Слатино.
Лидерот на партијата Мендух Тачи уште еднаш ја критикуваше ДУИ за притисоците и заканите врз гласачите на ДПА кои во недела излегоа и гласаа за нивниот кандидат Илјаз Халими.
“Али Ахмети и ДУИ им го покажаа патот на Македонците за да им се закануваат на Албанците. Заканувањето на Ахмети е смешно, но заканите од Владата и Груевски се
реални. Начинот на кој Ахмети го плаши народот е начинот на ѓаволот. На ваков начин тој покажува колку е зол, кога станува збор за задржување на власта. Тој им го покажа патот на Македонците како на идните избори да им се закануваат на албанците дека ќе ги бркаш од работа, ќе им пратиш инспекции, полиција и тогаш Албанците не дека нема да излегуваат на гласање,ќе излегуваат и ќе гласаат за Македонците. Ова е најлошото што се случи во недела” – рече Тачи.
Тачи на митингот на ДПА во Слатино, меѓу другото рече, дека мотото на ДПА ќе биде „За
Слобода“ што подразбира слободно гласање.
“Во првиот круг гласаа само челниците на ДПА,на 27 април резултатот ќе биде поинаков. Во
2002 му ја дадовме власта на Ахмети,но тогаш ДПА никого не заплашуваше. Сега Али Ахмети ја окупирал територијата и неговиот терор треба да запира. Треба да му кажеме дека да гласаш, значи да им се врати слободата на луѓето” – рече Тачи на синоќешниот митинг на ДПА во тетовско Слатино.