„АРМ да биде симбол на меѓуетнички соживот, толеранција, почит на различнсотите, како и помирување помеѓу етничките групи“, рече новиот министер за одбрана Талат Џафери, на денешното примопредавање на функцијата министер за одбрана од страна на досегашниот министер Фатмир Бесими.
Досегашниот министер за одбрана Бесими подвлече дека во изминатите година и половина биле поставени три цели и тоа Република Македонија да биде препознатлива по својот придонес во глобалниот мир и имплементација на стандардите на НАТО.
Во рамки на унапредувањето на стандардот на војниците, Бесими призна дека тој не успеал докрај да го одржат ветувањето до 18 Август минатата година припадниците на АРМ да ја облечат новата униформа, на неговиот наследник Џафери му посака да го заврши тој проект и целата Армија „да биде облечена во новата униформа и нови чизми“.
– Останува нашата цврста заложба и задача да чекориме кон полноправно членство во НАТО каде што покрај отворените политички предизвици во одбраната останува и предизвикот да се реализира Долгорочниот план за развој на одбраната, а вотој контект и модернизацијата на АРМ. Овие беа тешки економски години, кои директно влијаеле на буџетот на одбраната, рече меѓу другото Бесими цврсто уверен дека Република Македонија ќе успее во евроатлантските интеграции.
Инаку, вчера пред Собранието „Достоинство“ ги повика пратениците да не гласаат за поставување на Талат Џафери за министер за одбрана бидејќи тој е поранешен командант на ОНА.