Најмногу пријави за корупција, Транспаренси Интернешенел добива за областа на судството, а во последно време зголемени се пријавите за корупција во полицијата, се вели во извештајот на ТИ кој денес го презентриаше претседателката Слаѓана Тасева. За жал, вели Тасева, најголемиот број на пријавителите се самите жртви и постои страв кај граѓаните бидејќи не се заштитени со закон, или немаат доверба во институциите, иако според Глобалниот корупциски барометар 82% од интервјуираните граѓани, тие се подготвени да се борат против корупција.
Граѓаните пријавите најмногу ги доставувале преку интернет, а ист е процентот на пријави со лично присуство или е-маил. Граѓаните најмалку пријавите ги поднесувале преку телефонски разговор.
Од јануари 2010 година до септември 2013 година, ТИ добиле вкупно 1049 пријави, односно 274 во 2010, 220 пријави во 2011 и од јуни 2012 до септември 2013 – 549 пријави, во Центарот за совети и правна помош во Скопје, Тетово и Штип.
Како илустрација од извештајот на Државната комисија за спречување корупција, „во 2012 ДКСК работеше вкупно врз 611 предмети за конкретни случаи на сомнеж за корупција од кои нови се 200 предмети“.
До ТИ-Македонија, најмногу поднесители има од Скопскиот регион – 29%, од Источниот 16%, од Полошкиот 11% и Пелгонискиот 10%.
Загрижувачки фактор е што само 11 од вкупно 58 општини имаат поставено телефонски линии за пријавување корупција, од кој само во 5 од нив линиите се бесплатни. Во 41 општина има назначено лице задолжено за неправилности и сомнежи за измами или корупција додека 16 општини немаат, а една општина нема никаков одговор по ова прашање.