Денес светскиот шампион Михаел Шумахер го слави својот 45 роденден кој оваа година е тажен бидејќи Германецот веќе пет дена е во кома по несреќата која му се случи. Неговите фанови планираат да манифестираат во тишина како поддрршка за својот шампион.
Клубовите на Ферари одлучија да се соберат “во тишина и со респект но обоено во црвено” пред болницата во Гренобл, најави италијанската организација на Ферари на својата Фејсбук страница. Тие носат транспарент на кој стои “Шуми, нашите мисли се со тебе и твоето семејство”.
Семејството Шумахер изрази благодарност за поддршката што ја добива и вели дека шампионот на Ф1 е “борец кој нема да ја напушти битката” на профилот на Шумахер на Фејсбук.
Фановите се поканети да носат знамиња на Ферари и да облечат во црвено, бојата која е симбол на моќните коли на италијанскиот Ферари.
Сепак, оваа манифестација не е по вкусот на сите фан клубови на Ферари. Нив ги има 130 во Европа и сите нема да учествуваат.
Шумахер е на интензивна нега во Клиничкиот центар во Гренобл по несреќата Мерибел во Савуа во Франција. Претседателот на Рим-Ферари одби да дојде. “Тоа е деликатно и ако бев дел од блиските на Михаел оваа инцијатива немаше да ми се допадне”, рече тој. Според германскиот клуб смета дека роденденот не е прилика за да се прави прослава.
Од средата нема нови информации за здравствената состојба на возачот кога лекарите рекоа дека неговата состојба е стабилна но и понатаму критична.
Истрагата во Албертвил ја испитува несреќата за да види дали постои одговорност и со која брзина скијал Шумахер кога во неделата удрил со главата во една карпа. Тој скијал вон од пистата заедно со неговиот 14годишен син. Доколку брзината не е во прашање би можело да се работи за лоша сигнализација која не означувала дека местот е опасно. Несреќата се случила на мала удолница покриена со снег на која има повеќе карпи, велат новинарите на АФП кои го посетиле местото. Зоната е заштитена со црвени и плави столбчиња но нема мрежи за заштита ниту сигнали кои најавуваат евентуална опасност.
Шумахер е најодликуваниот возач на Ферари со 7 шампионски титули и 91 победа на Гран При.