Претставници на партиите обединети околу иницијативата за гласање (не) доверба на владата, денеска пласираат информации дека со технички изменета иницијатива , ќе пробаат да ја срушат владата. Според нив оваа можност е дозволена. Имено на поднесокот на иницијативата би фигурирале помал број потписи од вообичаено потребните 61. а при гласањето би имало поголем број на гласови.
Ова го изјавил Антонио Милошоски а во изјавата која ја пренесуваат повеќе медиуми меѓу другото стои:
– Иницијативата останува, а деловникот дозволува истата да биде технички корегирана. Ќе направиме техничка корекција, да даде простор на одредени пратеници да се пронајдат себе си со своите забелешки Иницијативата ќе биде технички корегирана и ќе остане во процедура, на истата ќе има помал број на потписи, а ќе има поголем број на гласови од 61 кои ќе гласаат за недоверба“.
Се лиферува и веста дека Апасиев веројатно во пакет со Крмов се повлекуваат од писмената иницијатива, што беше услов пратеникот од Алтернатива, Скендер Реџепи да опстојува како потпис на иницијативата. Некои медиуми објавуваат дека од иницијативата се повлечени повеќе имиња на пратеници околу дваесетина.
Иницијативата пак е веќе доставена до собраниските служби, јавува МИА.
Од друга страна, претседателот на Собранието Талат Џафери во синоќешното гостување на ТВ21 изјави дека при секоја ново поднесена иницијатива за гласање недоверба треба да помине рок од 90 дена, цитирајќи онака како што пропишува членот 92 од Уставот.
Алтернатива за во 16.15 часот закажа прес конференција на која се очекува да го соопшти партискиот став за гласање (не) доверба на владата.