Министерот за надворешни работни, Бујар Османи на својот „Фејсбук“ профил напиша дека е донесена одлука за предавањето на телата на нашите сограѓани кои ги загубија животите во трагичната несреќа во четврток, 2 декември. Оваа следи по остварениот телефонски разговор меѓу Османи и бугарскиот обвинител Сарафов.
– Владата на Р. Бугарија го прифати нашето барање преносот од Софија до Скопје да се изврши со авион на Р. Бугарија, додека од меѓународниот аеродром Скопје, преку организиран државен протокол истиот или наредниот ден останките ќе им бидат предадени на семејствата во нивните домови. Останувам во блиска комуникација со семејствата за останатите детали а јавноста ќе биде информирана навремено истотака, напиша Османи.
Од МНР појаснуваат дека авионот од Бугарија в петок ќе слета во Македонија.