Доналд Трамп и Владимир Путин веќе го оствариле првиот телефонски повик откако Америка доби нов претседател.
Ова го соопшти Кремљ, дополнувајќи дека претседателите на САД и Русија разговарале за Сирија и за подобрување на билатералните односи.
Тие се согласиле дека имаат заеднички став за обединување на напорите во борбата со заедничкиот непријател број еден – меѓународниот тероризам и екстремизамот.
Трамп и Путин разговарале за различните начини за ставање крај на кризата во Сирија, а воедно и за развивање на билатералните односи со развој на трговските и економските врски помеѓу двете земји.
Рускиот претседател и новоизбраниот американски претседател се согласиле да останат во контакт по телефон и разговарале за идејата да се сретнат лице в лице.
Следната година Русија и САД ќе слават 210 години од почетокот на своите дипломатски односи, што може да ги мотивира „да се вратат на прагматичната, заемно корисна соработка, која ќе ги задоволи интересите на двете земји и ќе промовира стабилност и безбедност во целиот свет“, се вели во соопштението.