Освен поплаките кои граѓаните ги испраќаат во НОВА, на социјалните мрежи корисниците масовно се жалат на лошите телефонски врски. Тимот репортери на НОВА, исто така, има проблеми да комуницира. Врските на сите три мобилни оператори се нестабилни и напати исчезнуваат.
Родители во НОВА пријавија дека нивните деца во средни училишта во Скопје немаат пристап до мобилните оператори. Проблематични се или воопшто не функционираат 3G врските за мобилен интернет. Граѓаните во НОВА и на социјалните мрежи пријавуваат проблеми со конектирањето на мобилен интернет, како и генерално на воспостувавуање телефонски контакт во реоните Карпош и Центар.
Проблемите започнаа со стартот на студентски марш. Редакцијата на НОВА во моментов нема пристап до телефонски линиии за да може да ги побара одговорните во мобилните оператори и да побара објаснување што се случува со мрежите.