Фирмата АХР ЛАБ увоз-извоз ДООЕЛ регистрацијата за увоз на реагенси во Агенцијата за лекови (МАЛМЕД) ја добила четири дена пред отварање на понудите од тендерот во Министерството за здравство
Тендерот за реагенси е стопиран. Прекината е тендерската постапка поради пoстоење одредени неправилности во документацијата на што укажа првичната евалуација, соопшти министерот Венко Филипче.
„Поради пoстоење одредени неправилности во документацијата на што укажа првичната евалуација, одлучивме тендерската постапка за набавка на тестови и реагенси за биохемиски, имунолошки, хематолошки и гасни анализи да ја прекинеме“, рече Филипче.
Тој кажа дека на тендерот се јавила само една фирма и дека во овој период интензивно работеле на евалуација на понудата.
„Во следниот период ќе продолжиме со имплементација на планот за централизација, а со тоа и обезбедување на големи заштеди во овој дел од набавките“ изјави Филипче.
Прес конференцијата која утринава се одржа во министертвото за здравство беше селективна и на неа не беа повикани сите медиуми. Според шефот на кабинетот на Филипче, Бојана Атанасова, не им работела и-меил адресата и се било на брзина. Истото се случи и вчера, кога најавата за прес конференцијата стигна неполн час пред настанот со што дел од медиумите не можеа да стигнат на време. Денеска Филипче заминува на пат каде останува до петок, и со тоа става крај на дополнителни изјави или интервјуа околу актуелните збиднувања со тендерот за реагенси.
И фирмата која се пријавала на тендерот одеднаш ја откажа прес конференцијата која беше најавена за во 11 часо. Причината очигледно е стопорањето на тендерот.
Она е што е многу индикативно и исто така води кон сомнеж е што фирмата АХР ЛАБ увоз-извоз ДООЕЛ регистрацијата за увоз на реагенси вон Агенцијата за лекови (МАЛМЕД) ја добила четири дена пред отварање на понудите од тендерот во Министерството за здравство, документ до кој дојде НОВА.
Фирмата која требаше да опслужува тендер од цели 35 милиони евра имала само двајца вработени. Еден лекр и едно техничко лице.
Филипче со тоа што не ги покани сите медиуми, како и НОВА, одбегна да одговори на суштински прашања. На, пример како една фирма со двајца вработени ќе ги опслужува со реагенси сите болници, како ќе се транспортира крвта, колку возила и возачи имаат, колку фрижидери, биле ли да го проверат магацинот кој им е во јавно царинско складиште. Ги исполнува ли условите таму за чување на вака осетливи и расипливи материјали.
Филипче не кажа каква референца има оваа фирма која е формирана во април пред распишување на тендерот и нема своја адреса туку се наоѓа на адреса на адвокат. Филипче не достави увид во понудата, ниту покажа анализа за заштедата и издржаноста на овој тендер. Минисерот не одговори ниту кој ја правал спецификацијата за овој тендер, која многу се разликува од сите претходни и отвора простор за голем сомнеж.