Судот ја одвои постапката за екс министерката за внатрешни, Гордана Јанкулоска, за набавката на луксузниот мерцедес од 600 илјади евра.

Таа денеска не дојде на закажаното рочиште за Тенк. Адвокатите доставија боледување од приватна болница за отворено боледување поради ризична бременост.

СЈО предложи неа да и се суди посебно на што реагираа адвокатите на останатите обвинети.

Судот донесе решение главната расправа да продолжи.

Од затворот Шутка беше донесен да сведочи и поранешниот директор на СОЗР, Васе Доневски.

Во случајот „Тенк“, за набавката на луксузниот „мерцедес“ вреден 600 илјади евра, обвинети се поранешниот премиер Никола Груевски, поранешната министерката за внатрешни работи Гордана Јанкулоска и поранешниот помошник министер во МВР Ѓоко Поповски.