Јан Ван Заанен доаѓа од Холандија и е дел од меѓународните набљудувачи во земјава дојдени специјално за изборите. Заанен е градоначалник на најбогатата холандска општина во рамките на Амстердам, Амстелвеен. Во Македонија е прв пат, а ги набљудуваше изборите во Кичево, Струга, Охрид и Преспа. Нова со него разговораше во Кичево.
Кои се вашите први импресии од она што можевте да го видите во Охрид, Струга и Кичево додека ги набљудувавте изборите?
Висока е излезноста, мирно е. Она што мене лично не ми се допадна додека набљудував беше тоа што имаше толку многу набљудувачи од политичките партии. Тоа е чудно за мене. Секако, имаше независни набљудувачи, како на пример од “Мост”, но и политички партии. Тоа за мене е чудно. И тие ги запишуваа гласачите кои доаѓаа, претпоставувам. И уште една забележителна работа која не можев да не ја забележам беше тоа што околу гласачките места имаше толку многу луѓе кои се врткаа наоколу. Изгледаше како да проверуваа, како да промовираа. Не видов никакви знаци, се разбира и немам докази, но тоа не беше удобно. Ако јас треба да одам на гласачко место и ако треба да поминувам покрај политичари и луѓе кои работат со политичарите, тоа нема да направи да се чувствувам добро.
Да, да. Имаше една работа која беше особено забележителна, беше некаде рано пладне. И ние работиме како тимови. Еден од нас е на самото гласачко место, додека другиот оди наоколу и гледа што се случува надвор. Јас во тоа време бев надвор и еден човек ми пријде и ме праша дали сум меѓународен набљудувач и ме повика да дојдам тврдејќи дека доаѓаат автобуси. Јас отидов до местото каде што автобуси доаѓаа и си заминуваа. Самиот видов три такви автобуси. И не можам да докажам дали се во право, но автобуси полни со луѓе доаѓаа.
Кои се вашите генерални впечатоци за Македонија од она што успеавте да го видите? Кои се разликите со општината од која вие доаѓате, Амстелвеен?
Пречекан сум пријателски, храната е добра, луѓето се љубезни и видов седум училишта денес. Или шест. Дали ве потестуваат на училиштата во Холандија? Не, не, на некои дамнешни времиња. Две од нив беа добри, имаа и компјутери, едно имаше и безжичен интернет, што е одлично за нас, но четири беа, еве да речам многу скромни, што значи многу нешта треба да се направат.