Во извештајот за мај на невладината Транспарентност Македонија се наведува дека непримерно е постапувањето на припадниците на МВР при приведувањето на осомничените – меѓу кои и новинарот Томислав Кежаровски – за откривањето на идентитетот на заштитениот сведок во долгогодишниот судски предмет кој се води пред Основниот суд во Велес, познат под називот „Ореше“.
„Од објавените снимки, дадени од МВР на медиумите, јавноста можеше да види класичен пример на несоодветно демонстрирање полициска сила. Точно е дека приведениот новинар не бил физички нападнат и загрозен од десетиците полициски специјалци, но самото нивно
присуство во толкав број, времето на приведувањето и целата „акција“ како да се работи за особено опасен криминалец, остава впечаток на крајно 11 непрофесионално полициско однесување.
– Потоа, на општа зачуденост на стручната и општата јавност, следуваше притвор и за осомичениот новинар за податок објавен во текст публикуван во 2008 г.! На истражните органи им требале 4-5 години за да прочитаат еден новински текст, за да ги покренат
антитерористичките полициски единици за апсење и притворање на „опасниот“ новинар!, се вели во извештајот на Транспарентност Македонија.
ТМ нема сомневање дека во МВР биле свесни дека споменатиот новинар ниту се криел, ниту пак се очекувало да пружа каков било отпор при неговото приведување. Притворањето на овој новинар, пак, е само уште еден случај на стотици неоправдано притворени луѓе во
последните 5-6 години кои ниту можеле да го повторат делото, да избегаат од државата или да влијаат врз сведоците.
ТМ подолго време предупредува дека власта, паралелно со зголемувањето на неуспесите во владеењето, ќе ескалира во примена на сила во селектирани случаи кон новинарите, со цел да го зголеми нивото на стравот во новинарската професија и, генерално, во општеството.
ТМ смета дека апсењето и притворањето на новинарот Кежаровски е дел од ваквата опасна и недемократска политика на Владата.