Министерот за здравство Никола Тодоров, кој изминатиов период е под силен притисок на јавноста поради скандалот со набавката на медицинска опрема преку фирма на новинарката Ивона Талевска, денеска потенцираше дека не се точни тврдењата на опозицијата за исплатени 40.000 евра кон фирмата „ВИСАРИС“.
.jpg)
Ова е една од испорачаните фактури од која се гледа дека за опремата за Клиниката за радиологија биле исплатени 40 000 евра, за достасаната апаратура. Од документот се гледа дека лице за контакт од фирмата ВИСАРИС е лично Ивона Талевска.
Во однос на оставката која најголемата опозициска партија, СДСМ ја побара од него, министерот Тодоров рече дека нема коментар.
„Не би коментирал, мислам дека најпрво треба да го слушнеме одговорот на прашањата кои јас ги поставив, тоа е многу посуштинско прашање. Двајца луѓе од кај нив на две клучни позиции треба да дадат многу сериозни одговори на сериозни прашања“, рече Тодоров и заврши со прашањата на новинарите.
Министерот неодамна обелодени дека од етички причини го раскинал договорот со фирмата „ВИСАРИС“, но не даде повеќе детали, а на веб страната на Министерството за здравство нема никакви промени, ниту известување дека договорот е раскинат. Таму се уште стојат документите од тендерот што Министерството ги објави пред неколку дена.
Во меѓувреме, болниците каде што е стигната опремата или тие што се уште ја чекаат, не знаат што треба да прават и чекаат инструкции од Министерството.