Министерот за здравство Никола Тодоров денеска замина за САД каде ќе престојува две недели. Заедно со него се заминати и тројца членови на неговиот кабинет.
Од министерството за здравство сеуште не соопштуваат детали која е причината за двонеделниот престој на Тодоров во Америка.
Од таму чекаат Тодоров да пристигне во САД, па дури тогаш официјално да ја објават причината за неговиот престој таму.
Неофицијално, целта на неговата посета е поврзана со обуките и специјализациите на македонските лекари кои треба да престојуваат во американските болници.
Пред два дена Тодоров најави дека 500 лица, од кои 300 лекари и 200 медицински сестри ќе заминат на специјализација во Германија, Турција, Австрија, САД и Канада.
Со измените на новиот Закон за медицински студии, се предвидени одредби со кои лекарите се обврзани да имаат континуирана медицинска едукација која ќе биде обезбедена од страна на државата.
На лекарите ќе им бидат покриени трошоците за пат, сместување и 500 евра финансиски надомест, како и платата што ја добиваат во Македонија најави Тодоров пред да замине во САД.