Екс-градоначалникот на Центар Владимир Тодоровиќ признава дека се надевал на гласовите од Пустец во Центар, каде повторно се кандидираше и изгуби од Андреј Жерновски, во интервју за Порталот Мкд.мк :
-Да, за тоа почна да се зборува уште во првиот круг. Па си реков ако е тоа така, белки и ќе извадат некој гласач од таму. Потоа и се појавија, ама сите заборавивме дека сепак тоа се македонски граѓани, со легални документи и не беше во ред кон нив, дел од јавноста, така да се однесува.
Што се однесува до најавата за мораториум на проектот Скопје 2014 од страна на Жерновски , Тодоровиќ вели дека е невозможна:
-Скопје 2014 е навистина еден мега проект што ретко која влада може така брзо да го заврши. Одлуката за мораториумот е едноставно неможна сега. За сите овие градби има документација, одобренија, дозволи за градба, проекти… Тоа ќе се гради и сево ова ќе се доврши.
Градоначалникот сега може да го сопре оној недовршен дел во однос на спомен-обележјата. Тоа Жерновски ќе може да го сопре. Се работи за уште 3-4 споменици на личности од албанската историја. Може да не плати иако и за тоа договорите се готови. Но потоа штетата ќе биде поголема по евентуалниот спор што изведувачите би го покренале, вели екс-градоначалникот на Центар, Владимир Тодоровиќ за Мкд.мк.