Повторно е воспоставен ред во Казахстан, изјави денеска претседателот Касим-Жомарт Токаев на состанокот на безбедносниот сојуз предводен од Русија по неколкудневните насилни немири во кои загинаа над 160 луѓе, а илјадници беа приведени.
Редот во Казахстан е целосно воспоставен. Заканите за безбедноста на земјата се избегнати, истакна Токаев на видео состанокот на Организацијата на Договорот за заедничка безбедност (ЦСТО), асоцијациите на Русија, Ерменија, Казахстан, Киргистан, Таџикистан и Узбекистан.
ЦСТО, како и НАТО, има член во договорот кој предвидува дека напад врз една членка е напад врз сите членки.
Токаев нагласи дека наскоро ќе заврши антитерористичката операција, додавајќи дека имало „обид за државен удар“ со планирани и координирани напади врз регионалните владини центри, безбедносните сили и затворите.
Рускиот претседател Владимир Путин на состанокот на ЦСТО изјави дека немирите не се предизвикани од незадоволство од цените на горивото, туку од „деструктивни сили однадвор кои ја искористуваат ситуацијата“.
Казахстан, земја која граничи со Русија и со Кина, веќе една недела е погодена од немири по одржување на антивладините протести поради поскапување на горивото.
Покрај мирните протести, имаше и насилни собири, особено во најголемиот град Алмати.