Околу 108 истакнати акстивисти, медицински истражувачи, научници за ХИВ/СИДА, заедно со членови на семејствата, загинале во соборениот малезиски авион на пат за Интернационалната конференција за СИДА која требаше да се одржи во Мелбурн, Австралија, пишува магазинот Тајм, повикувајќи се на Сиднеј Морнинг Хералд.
Во авионот во кој загинаа 289 патници, бил Јуп Ланг, истакнатиот ХИВ истражувач, како и портпаролот на СЗО (Светската здравствена организација) и поранешен новинар на Би-Би-Си, Британецот Глен Томас. Институтот „Кирби“ потврдува дека Ланг се наоѓал во авионот на кобниот лет. Директорот на Институтот, професорот Дејвид Купер рече: Јуп беше апсолутно посветен на третманот на ХИВ/СИДА во Азија и Африка.
Јуп Ланг
Глен Томас
“Во ова неверојатно тажно и чувствително време, ИАС е со нашето меѓународно семејство и испраќа сочувство до најблиските на оние кои тагуваат за трагичната загуба”, напиша групата во изјавата до јавноста.
Пријателите и колегите на оние во рамките на СИДА-истражувачката заедница, вклучувајќи го и извршниот директор на УНАИДС Мишел Сидибе, исто така, изразија шокираност и жалост поради трагичната смрт, обраќајќи се на Твитер.