Траги од нервниот агенс употребен за убиство на Ким Јонг нам, полубратот на севернокорејскиот лидер Ким Јонг ун, пронајдени се на облеката на двете жени на кои им се суди за неговото убиство, изјави на судењето владиниот хемичар Раџа Субраманиам.
Неговото сведочење е прв доказ кој директно ги поврзува осомничените жени со нервниот агенс Ве икс употребен за убиството на Ким Јонг ун додека чекаше на аеродромот во Куала Лумпур.
Индонежанката Сити Аисјах и Виетнамката Доан Ти Хуонг се обвинети дека му го испрскале лицето на Ким Јонг ун со отровот во февруари годинава.
Субраманиам рече пред судот дека на облеката на двете жени го имало овој отров.
Обвинетите неодамна на почетокот на судењето се изјаснија дека не се виновни за убиството.
Доколку бидат осудени им се заканува смртна казна.
Јужна Кореја и САД сметаат дека режимот на севернокорејскиот лидер стои зад нападот, додека Пјонгјанг тоа го негира.